Принцезата од Велс се извинува за каква било конфузија околу семејната фотографија за Денот на мајката.
Како што пренесува Би-Би-Си, Кејт рекла дека „повремено експериментира со уредување“.
Да потсетиме, неколку големи новински агенции извлекоа слика дистрибуирана од Кенсингтонската палата на која се прикажани Кејт, принцезата од Велс и нејзините деца, велејќи дека веруваат дека фотографијата е изменета.
Тоа беше првата официјална фотографија на принцезата откако беше подложена на абдоминална операција во јануари, а беше објавена по неколку недели шпекулации за тоа што се случува со неа и во услови на се поголем број теории на заговор дека нејзината вистинска здравствена состојба се крие.
Но, три големи меѓународни новински агенции, исто така, рекоа дека пронашле докази за манипулација и АП и другите новински агенции, вклучувајќи ги Гети, Ројтерс и АФП, одлучија да ја отстранат фотографијата.
Официјалната реакција на принцезата пристигна во понеделникот. „Како и многу други фотографи аматери, повремено експериментирам со уредување. Се извинувам за забуната што ја предизвика семејната фотографија што ја споделивме вчера“, беше објавено денеска на официјалниот профил на Инстаграм.
