„Апсењето на рускиот претседател Владимир Путин би значело објава на војна против Русија“, напиша јужноафриканскиот претседател Сирил Рамафоза во судските документи објавени денеска.
Путин е поканет на самитот на БРИКС во Јоханесбург следниот месец, но е цел на налог за апсење на Меѓународниот кривичен суд – одредба што Јужноафриканската Република, како член на МКС, се очекува да ја спроведе, пренесува АФП.
Дипломатската дилема на Јужна Африка се одвива пред судот, каде што главната опозициска партија, Демократската алијанса (ДА), се обидува да ја принуди владата да обезбеди притвор и екстрадиција на Владимир Путин до Меѓународниот кривичен суд доколку стапне во земјата.
