Во април 2024 година во земјава вкупно се потрошени 437. 116 МWh електрична енергија, 12.002 мил. нм3 природен гас, 415.631 тони јаглен и 85 745 тони нафтени продукти, соопшти Државниот завод за статистика.
Според овие податоци, домашното бруто производство на електрична енергија задоволува 91,5 % од бруто-домашната потрошувачка на електрична енергија.
Податоците покажуваат и дека 99.9 % од вкупната потрошувачка на јаглен се употребени за производство на електрична енергија, што укажува дека термоелектраните и во овој месец произвеле најголеми количини електрична енергија. Во овој месец бруто производството на термоцентралите изнесува 226.238 МWh електрична енергија, на хидроелектраните 106. 379 мегавати, а на комбинираните централи 27. 843 мегавати. Во април бруто производството на струја од соларна енергија изнесува 21. 521 мегавати, ветерниците произвеле 12. 493, додека пак био-енергија е произведена во бруто износ од 5 .556 мегават часови.
