Најмалку 910 делфини се блокирани на плажите на францускиот брег на Атлантикот од средината на декември, според океанографската опсерваторија Пелагис.
-„Околу 420 насукани делфини“ се откриени на брегот на Атлантикот во периодот од 10 до 17 март, а 120 за време на викендот на 11 и 12 март, што е огромна бројка, соопшти опсерваторијата, додавајќи дека се уште не го утврдила точниот број.
Се вели дека многу од делфините веќе умреле и биле исфрлени на брегот од брановите. Опсерваторијата додаде дека некои од труповите покажале знаци дека се фатени во рибарска опрема.
Првиот бран на насукани делфини се случи на почетокот на годината, со повеќе од 360 делфини од средината на декември 2022 година до крајот на јануари 2023 година.
Следниот бран со 130 насукани делфини беше во текот на февруари.
Во февруари и март, делфините обично се приближуваат до брегот за да најдат храна и затоа често влегуваат во рибарски мрежи.
