Германската метеоролошка служба (DWD) предупреди на лизгави и замрзнати коловози, откако снегот во текот на ноќта го блокираше сообраќајот.Ноќта од среда кон четврток на автопатите во германските сојузни покраини Хесен и Пфалц-Рајна имаше вонредна состојба. Многу училишта остануваат затворени и во четврток.
Според проценките на полицијата, околу 2.000 луѓе останале заглавени во километарски сообраќаен метеж на автопатот А3 во северниот дел на Пфалц-Пораин. Поради опасност од смрзнување, вработените во Црвениот крст на возачите им обезбедија ќебиња и топли пијалоци на одредени места.
Голем дел од земјата страда од екстремни временски услови. На патиштата и возилата се создадоа наслаги мраз, а сообраќајниот метеж се протегаше со километри, авионите не полетуваа, имаше многу сообраќајни несреќи, а некои автомобили, особено камиони, заглавија во снегот. Опасната ситуација продолжила и ноќе.
Снегот и лизгавото време ќе продолжат да предизвикуваат прекини и денеска. Германската метеоролошка служба предупредува на снег, а на аеродромот во Франкфурт се уште има ограничувања.
Метеоролозите очекуваат до 30 сантиметри снег во рок од 24 часа и предупредуваат на значителни прекини во сообраќајот. Исто така, на ICE возовите им е дозволено да сообраќаат со максимална брзина од 200 километри на час, а железничкиот сообраќај генерално е во неволја и многу линии се одложени или привремено прекинати.
