Претседателот на Република Српска, Милорад Додик, по гласањето на изборите во Србија минатиот викенд објави дека патува за Русија на економскиот форум во Санкт Петербург, каде што очекува да се сретне со рускиот претседател Владимир Путин. Потврда за средбата стигна и од Кремљ.
Во најавата за активностите на Путин на маргините на форумот во Св. Петербург, Додик се споменуваше како еден од странските функционери со кои ќе разговара рускиот претседател.
„Уште еден контакт кој стана традиционален: претседателот на Република Српска Милорад Додик“, објави Јуриј Ушаков, помошник на Путин, потсетувајќи дека последната средба меѓу лидерите на Русија и Република Српска била одржана во Казан во февруари.
Додик патува во Русија со нови и стари ветувања: „РС нема да дозволи БиХ да воведе санкции кон Москва на ниво на целата земја“.
Според помошник на Кремљ, лидерите би можеле да разговараат за „актуелната политичка ситуација во Босна и Херцеговина, ситуацијата на Балканот во целина, различни прашања од билатералните односи“.
Тој рече дека ќе ја допре и резолуцијата на Генералното собрание на Обединетите нации за геноцидот во Сребреница, додаде Ушаков, пренесе руската агенција ТАСС.
