Благодарност за безусловната поддршка и доверба добиена од претседателот на ВМРО-ДПМНЕ Христијан Мицкоски да бидам прв Министер за спорт во Република Македонија, изрази поранешниот македонски ракометен репрезентативец и актуелен извршен директор на РК Вардар, Борко Ристовски.
Прославениот ракометен голман кој во играчките денови публиката го нарекуваше „министер за одбрана“, на официјална министерска позиција како прв човек во новото Министерство за спорт вети многу работа, посветеност и реализација на проекти кои одново ќе го заживеат спортот во Македонија.
„Ветувам многу работа, посветеност, многу проекти и нивна реализација и одговорност.
Се обврзувам како прв Министер за спорт дека Македонија повторно ќе живее во духот на спортот ! Македонија повторно горда“ – напиша Ристовски во објавата на Фејсбук.
