Поранешната ѕвезда на „Уан дирекшн“ почина на 16 октомври откако падна од третиот кат од неговата хотелска соба во Буенос Аирес, Аргентина.
Три недели по смртта на Лијам Пејн, обвинителите во Аргентина ја отфрлија можноста за самоубиство како причина и обвинија три лица.
Аутопсијата на трагично загинатиот пејач Лиам Пејн од бендот „Уан дирекшн“ покажа дека неговите повреди не биле од самоповредување или физичка интервенција од други лица. Тој починал од повеќе повреди кога паднал од балконот на третиот кат од неговата хотелска соба во Буенос Аирес на 16 октомври на 31 годишна возраст..
Откако „Ла Насион“ објави дека персоналот на хотелот „КасаСур“ повикал полиција пред инцидентот за да пријави „агресивен човек кој можел да биде под дејство на дрога или алкохол“, извештајот за токсикологија открил повеќе лекови во неговиот систем во моментот на смртта.
Тројцата осомничени, кои не се идентификувани, се обвинети за „напуштање на лице што резултира со смрт, снабдување и олеснување на употреба на наркотици“. Судијата им забранила да ја напушаат земјата, но никој не е уапсен. Тамошните медиуми објавија дека едно од обвинетите лица било со Лијам Пејн во текот на неговиот престој во Буенос Аирес. Друг бил вработен во хотелот, а третиот е опишан како дилер на дрога.
Еден од осомничените бил некој близок на Пејн кој најверојатно работел со него, едниот бил вработен во хотел, а другиот му обезбедувал дрога на пејачот.
