Непалец стана првиот човек кој се искачи на највисокиот врв на светот со ампутирани нозе. „Се е можно, само небото е граница“, рече 43-годишниот пред да се упати кон врвот на Монт Еверест.
43-годишниот поранешен војник Хари Буда Магар неодамна се искачи на највисокиот врв на светот, со што стана првиот човек кој се искачи на Монт Еверест со двете нозе ампутирани над коленото.
Буда Магар во тоа успеал со помош на специјални протези, а по пат го придружувале уште пет алпинисти. „Ова е светски рекорд“, изјави за Ројтерс Бигјан Коирала од Канцеларијата за туризам во Непал.
43-годишникот ги загубил нозете за време на мисија во Авганистан кога нагазил на мина.
„Сè додека можете да го прилагодите животот на времето и ситуацијата, сè е можно, нема граници, само небото е граница“, изјави Магар за агенцијата АФП минатиот април, пред да се упати кон кампот Еверест.
Како што напиша на Инстаграм, искачувањето беше многу напорно. „Беше потешко отколку што замислував. Моравме да продолжиме, дури и ако понекогаш болеше многу. Ако бев во можност да се искачам на врвот на светот, секој – и покрај неговата попреченост – може да ги оствари своите соништа. Со правилен начин на размислување се е можно“, напиша меѓу другото 43-годишниот Непалец.
Како што неговите зборови ги резимираат Ројтерс, тој многу страдал поради ограничувањата на подвижноста, па затоа не сака другите да добиваат таков третман во општеството. „Се надевам дека мојот успех ќе им помогне на луѓето да го променат своето мислење за лицата со посебни потреби“, рече тој, додавајќи дека исто така би сакал да ги охрабри сите луѓе да се искачуваат.
