Хрватскиот актер Душко Валентиќ, кого ТВ гледачите го паметат по улогата на Папундек во серијата „Вело мисто“, почина на 75-годишна возраст, објави „Вечерњи лист“.
Валентиќ е роден во Панчево, во една „ладна зимска ноќ“ на последниот ден од јануари 1950 година. Во Загреб се преселил кога имал седум години. Со глумата се „заразил“ случајно, кога како средношколец отишол на една аудиција.
Покрај богатата театарска кариера, Валентиќ оствари и завидни улоги во филмови и телевизиски серии, како онаа во серијата „Каде одат дивите свињи“ (1971). Одигра повеќе од 50 филмски и телевизиски улоги, додека во матичното кино „Гавела“ надмина 100, потсетуваат хрватските медиуми. Последниве години се појавувал во гостувачки улоги во серии како „Нашата мала клиника“, „Патување до Вучјак“, „Заговор“, „Гордоста на Раткаеви“.
