Поранешниот претседател на Србија, Милан Милутиновиќ, почина на 81-годишна возраст, објави денеска на својот Инстаграм профил претседателот на Социјалистичката партија на Србија, Ивица Дачиќ.
– Ги извршуваше најважните функции во најтешкиот период во историјата на Србија. Моето најдлабоко сочувство до неговото семејство и пријателите. Јавноста ќе биде информирана за датумот на комеморацијата и погребот – изјави лидерот на СПС и министер за надворешни работи на Србија.
Освен таа функција, бил секретар за образование и наука на Србија, југословенски амбасадор во Грција и министер за надворешни работи на СР Југославија.
По завршувањето на неговиот претседателски мандат, во декември 2002 година, тој се предаде на Хашкиот трибунал, каде беше обвинет за воени злосторства за време на конфликтот во Косово и Метохија, пренесува Танјуг.
Тој беше ослободен на 26 февруари 2009 година и беше прогласен за невин по сите обвиненија.
Роден е во Белград во 1942 година, каде завршил основно училиште и гимназија, а дипломирал во 1965 година на Правниот факултет во Белград.
