More

    Германски министер за одбрана: Од април испраќаме дополнителни сили на КФОР на Косово

    spot_img

    Германскиот министер за одбрана Борис Писториус пред денешната средба со Александар Вучиќ изјави дека Германија во април ќе го зголеми својот контингент војници во КФОР од 70 на 250.

    „Овој важен регион во срцето на Европа, недалеку од Германија, бара нашето внимание. Да бидеме јасни: сакаме да придонесеме за стабилизација во регионот. Сакаме да го поддржиме регионот и во иднина внимателно да го следиме неговиот пат кон Европската унија“, вели тој во интервју за „Блиц“.

    Иако потврдува дека во моментов ситуацијата во Босна и Херцеговина и на Косово е претежно мирна, тој нагласува дека на Косово се уште е предмет на „краткорочни ескалации“, како што покажа изминатата година.

    „Но, дури и во Босна и Херцеговина ситуацијата може да ескалира поради провокативната реторика и провокативните постапки на одредени политичари. Затоа, заедно со нашите партнери, внимателно ја следиме ситуацијата и сме во состојба брзо да реагираме, што го покажавме на крајот на минатата година“, вели и Писториус, кој по Србија ќе ја посети и Босна и Херцеговина, пренесува КоСсев.

    Тој ја оценува ситуацијата во регионот како сложена, понекогаш тензична поради „различни, длабоко вкоренети и делумно историски конфликти“.

    Писториус зборува за односите меѓу официјален Белград и Приштина како две независни земји:

    „Односите меѓу двете земји полека се развиваат. Дијалогот за нормализација под покровителство на ЕУ продолжува да дава нови импулси, но, за жал, не постигнува траен пробив. Напредокот честопати е блокиран поради длабоко вкоренета недоверба“.

    Смета дека тоа е разбирливо од една страна, со оглед на тоа што се уште не се излечени сите лузни од минатото.

    „Од друга страна, не може да се постигне напредок без меѓусебно зближување и доверба. Според мене, нормализацијата на односите е првиот чекор кон позитивна иднина. Како и во секој конфликт, никогаш не постои само една страна виновна. Двете страни треба да ги преиспитаат своите претходно зацементирани позиции. Јасно им ставам до знаење на сите со кои разговарам на моето патување дека провокациите никогаш не се корисни. Се работи за тоа сите страни да направат исчекор и да испратат видливи знаци на подготвеност за компромис“, рече германскиот министер за одбрана.

    За динарот: Се судрија две гледишта
    Тој говореше и за актуелната најактуелна тема – практичното укинување на курсот на динарот во Косово и спроведувањето на Регулативата на Централната банка на Косово за валутата.

    „Тука се судрија две гледишта: од една страна, регулативата претставува спроведување на косовскиот устав, а од друга страна, уставот на Србија го предвидува динарот како единствено платежно средство. Јасно ми е дека српскиот дел од населението, особено на северот на Косово, сè уште зависи од употребата на српскиот динар“, вели тој.

    За промената е потребно време, додава тој.

    „Тоа време треба да си го дадете и себеси, за да дојдете до решение преку дијалог. Мислам дека и овој конфликт треба да се реши на преговарачка маса во рамките на мировниот дијалог што го води ЕУ. Дотогаш мора да се избегне ескалација поради избрзана акција“, заклучува германскиот министер за одбрана во интервју за Блиц.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img