По продолжениот топлотен бран, Грција во следните два дена ќе се соочи со силно невреме кое ќе биде придружено со силен дожд, невреме и град, соопшти Националната метеоролошка служба.
Националната метеоролошка служба издаде итно предупредување за промена на временските услови во Источна Македонија и Тракија.
Кои области ќе ги зафати невремето во Грција
Исто така, беше посочено дека најинтензивно невреме се очекува во четврток и дека невреме ќе има во претежно планинските предели во централниот и северниот регион.
Температурата само малку ќе опадне и ќе се движи околу 30 степени. Западно-северозападен ветер со исклучителен интензитет се очекува во Јонското море и морето помеѓу Пелопонез и Крит.
Во четврток невремето ќе стигне до северниот дел на Егејското Море и кон копното на Грција. Подрачјата кои ќе бидат зафатени се: Источна Македонија, Тракија, Халкидики, Тесалија, Споради, Стерија, Пелопонез и Евија.
На наведените места се очекува драстичен пад на температурите.
Предупредување за невреме е издадено и во Атика и Беотија.
Генералниот секретаријат за цивилна заштита им препорачува на граѓаните да бидат внимателни и да ги преземат сите заштитни мерки. Посебно предупредување се однесува на области каде што се очекуваат обилни врнежи, бури и силни ветрови.
Од петок се очекува разведрување и враќање на реалните летни температури кои се очекуваат за викендот.
