Пет лица се ранети во терористички напад на влезот на судската зграда во Чаглајан, Истанбул, а двајцата напаѓачи се убиени, потврди турскиот министер за внатрешни работи Али Јерликаја, јавува Анадолија.
Тој изјави дека меѓу повредените има и тројца полицајци.
Јерликаја на социјалните мрежи објави дека нападот се случил на контролен пункт пред влезот на судот.
– Напаѓачите се убиени – маж и жена. Повредени се пет лица, меѓу кои тројца полицајци. Честитки за нашите херојски полицајци. Ни треба итна помош за нашите повредени. Им посакувам брзо закрепнување – рече турскиот министер.
Јерликаја изјави дека е утврдено оти двете лица неутрализирани во терористичкиот напад се членови на терористичката организација ДХКП/Ц (Револуционерна Народноослободителна Партија/Фронт).
