Пет лица меѓу кои тричлено семејство и двајца спелеолошки водичи се заробени во пештерата во Крижна Јама, Словенија.
Проблемот настанал по врнежи од дожд и излевање вода, а спелеолошките водичи и тројцата посетители на возраст меѓу 22 и 58 години останале заробени – ќерка, мајка и татко.
Тие останале заробени откако дождот ги наполнил каналите и не можат да се извлечат. Дополнително отежнува што се наоѓаат на локација оддалечена 2400 метри од влезот во пештерата.
Тие заминале во истражувачка експедиција на 6 јануари, а откако не се појавиле во договореното време, трет водич тргнал по нив и сфатил што се случува. Во спасувачката акција учествува Јамарската спасувачка служба, кои редовно известуваат и објавуваат фотографии на нивниот профил на Фејсбук.
