Голем пензионерски протест е најавен за денеска во Скопје.
Според најавата, протестот ќе започне пред Американската амбасада и ќе финшира пред Владата во 12 часот.
Пензионерите вчера нагласија дека не сакаат социјални мерки, туку линеарно покачување на пензиите за 5.000 денари.
– Бараме тоа што заслужено треба да го добиеме, а тоа е пензија за достоен живот – порачаа вчера пензионерите од Прилеп.
Пензионерите се разочарани од тоа што власта не сака да ги слушне нивните барања за линерано зголемување на сите пензии по 5.000 денари, а најмалата пензија да биде 20.000 денари.
Тие вчера побараа поддршка и од шефот на државата Стево Пендаровски.
Досега се одржаа неколку собири низ цела Македонија.
