Научниците се вознемирени бидејќи температурата на површината на морето е на рекордно високо ниво повеќе од еден месец. Почнувајќи од средината на март, податоците од американската Национална океанска и атмосферска администрација (NOAA) се драматичен скок од претходните записи, по ниските нивоа на мраз на Арктикот и Антарктикот оваа година.
Како резултат на тоа, ширум светот се појавуваат голем број океански топлотни бранови, кои вршат огромен притисок врз дивиот свет, пишува Science Alert. Ваквите настани се алармантни, но за жал не се неочекувани за оние кои се занимаваат со климатски науки.
„Иако е утешно да се види дека моделите функционираат, секако е страшно да се видат климатските промени кои се случуваат во реалниот живот“, објаснува биогеохемичарот на WHOI, Јенс Терхар, кој вели дека ова е само почеток.
Претходниот температурен рекорд беше во 2016 година, за време на Ел Нињо – климатски модел што дополнително ги загрева океаните. Има се повеќе индиции дека истиот пеколен феномен не очекува во 2023 година, што дополнително ќе ги влоши екстремните временски услови ширум светот. Science Alert пишува дека поради тоа температурите на морската површина би можеле уште повеќе да се зголемат во текот на следната година.
Дополнителното затоплување што го донесе Ел Нињо ќе предизвика некои делови од нашата планета да се загреат за дополнителни 1,5 °C, објасни океанографот Мониња Роган.
Пензионираниот математичар Елиот Џејкобсон објасни колку се вознемирувачки овие показатели.
Истражувачите стравуваат дека ова сигурно, ненормално големо отстапување од минатите температури би значело дека нашите океани ги достигнале границите на нивната способност да апсорбираат топлина. Тоа би била исклучително лоша вест со оглед на тоа што нашите океани досега апсорбирале над 90 отсто од вишокот топлина што сме ја испумпувале во нашите климатски системи.
Експертите сега наведуваат дека треба да се направи се што е можно за да се намали штетната зависност од фосилните горива, а климатологот Катарин Хејхо истакна дека нашите избори во оваа ситуација се многу важни. „Не е доцна да се избегнат најлошите последици.
