Пејачката Тања Савиќ за првпат искрено проговори за љубовта со 11 години помладиот пилот Мухамед Муки Бешиќ и со својата изјава збуни многумина.
Имено, таа ја коментираше врската со Муки, а го ословила со „сопруг“ , па затоа сите веднаш се запрашаа дали Тања во строга тајност го изговорила судбоносното „да“?
– Мојот сопруг е навистина прекрасен… Можам да кажам, никој не знае за нас дека сме заедно повеќе од две години и ова е ексклузивно – призна таа за ТВ Токсик дополнувајќи дека сега тој ѝ помага да ги „насочи“ синовите на вистинскиот пат.
Инаку, Тања неодамна откри зошто на почетокот криела дека ужива во нова романса.
– Се криевме некое време и беше многу тешко и стресно. Не сум глупава жена да изнесам некои работи во јавност пред да бидам сигурна дека со партнерот сме на вистинската патека после се’ што претходно ми се случи. Јас сум многу внимателна и само кога сум 100 проценти сигурна за нешто го објавувам. Мојата публика заслужува да биде среќна и малку да биде упатена во мојот живот – изјави таа.
Albanian
English
Macedonian
Turkish
