Најмалку 12 лица загинаа во израелски воздушен напад во близина на болницата Ал-Шифа во градот Газа, јавија утринава палестинските медиуми.
Според извештаите, во воздушниот напад била погодена станбена зграда.
Спасувањето на луѓето затрупани под урнатините е во тек, пишува The Times of Israel.
Израелските одбранбени сили (IDF) не дадоа соопштение во врска со нападот.
ИД објави дека еден израелски војник загинал во борбите во јужниот дел на Појасот Газа.
Според The Times of Israel, 20-годишниот војник им подлегнал на повредите здобиени во борбите во средата.
Бројот на израелски војници загинати во копнената офанзива против палестинскиот Хамас е 194.