Отворањето на Олимпијадата ги исмеа верските убедувања

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

„Светата столица беше натажена од одредени сцени на церемонијата на отворањето на Олимписките игри во Париз и не може, а да не се придружи на гласовите што се кренаа последниве денови за да се осуди навредата направена кон многу христијани и верници од други религии“, се вели во соопштението објавено на француски, пренесе Ројтерс.

„Во престижен настан каде што целиот свет се собира околу заедничките вредности, не треба да има алузии кои ги исмеваат верските убедувања на многу луѓе“, констатира Ватикан и посочи дека слободата на изразување, која очигледно не е доведена во прашање, ја наоѓа својата граница во почитувањето на другите.

Еден сегмент на церемонијата на отворање наликуваше на библиска сцена на Исус Христос и неговите апостоли како го делат последниот оброк пред распнувањето, но во него беа прикажани драг кралици, трансродова манекенка и гола пејачка која го прикажува грчкиот бог на виното, Дионис.

Организаторите на Олимпијадата во Париз 2024 се извинија два дена подоцна, велејќи дека никогаш немало намера да не се почитува ниту една религиозна група.

Share This Article