Актерката Гвинет Палтроу, иако има само 51 година, веќе го планира своето пензионирање и ветува дека откако ќе престане да глуми „никој повеќе нема да ја види“.
Во новото интервју за магазинот „Бастел“ таа зборува за своите професионални планови кои во иднина очигледно нема да имаат врска со проекти пред камера.
– Буквално ќе исчезнам од јавниот живот. Никој никогаш повеќе нема да ме види – вели Палтроу.
Наместо да глуми, Гвинет планира да се фокусира на својот бренд за животни стилови Goop, кој создава производи од областа на убавината, модата, здравјето, храната и домот.
Меѓу другото, Палтроу веќе лансираше предмети како што се спреј кој ги одбива вампирите, свеќи со мирис на вагина или вибратор од 24-каратно злато од 10.000 долари. Но, се чини дека бизнисот оди добро, според Палтроу.
Таа ужива „да биде креативна, да работи во тим, да биде ентузијастичка за нови идеи, иновативна, да размислува напред“. Но, очигледно ѝ треба повеќе време.
– Јас сум во фаза кога се чувствувам како работите да се уште похаотични затоа што сум толку зафатена. Мојот син и посинокот се и двајцата во средно училиште, а понекогаш чувствувам дека школувањето само по себе е работа со полно работно време – вели оскаровката.
Палтроу има две деца, Епл и Мозес, со поранешниот сопруг Крис Мартин, фронтменот на групата „Колдплеј“. Од 2018 година е во брак со американскиот сценарист и режисер Бред Фалчук (52), кој во бракот донесе уште две деца.
