Премиерот на Унгарија, Виктор Орбан денеска во Будимпешта се сретна со претседателот на Република Српска, Милорад Додик и по тој повод оцени дека стабилноста на Западен Балкан е од суштинско значење за ЕУ.
„Стабилноста на Западен Балкан е од суштинско значење за ЕУ. Наместо на предавања и санкции, ние веруваме во дијалог и соработка. Мојата средба со претседателот на РС Милорад Додик послужи за таа цел“, напиша Орбан на мрежата Х по средбата.
На средбата се разговараше за интеграцијата на Западен Балкан во ЕУ, како и за тоа како Унгарија, како претседател на Советот на ЕУ, може да го подобри тој процес, изјави шефот за печат на Орбан, Берталан Хаваси, пренесува РСЕ.
