Членовите на Европскиот парламент гласаа за вклучување на природниот гас и нуклеарната енергија на списокот на одржливи активности на блокот, поддржувајќи го предлогот на Комисијата на ЕУ што наиде на жестоки критики од еколошките здруженија и може да предизвика правни предизвици.
Бидејќи ЕУ сака да ги постави најдобрите глобални стандарди во борбата против климатските промени, оваа одлука може да го наруши имиџот на блокот и да ја доведе во прашање посветеноста на регионот за постигнување климатска неутралност до 2050 година.
На почетокот на оваа година, Европската комисија го даде овој предлог за означување на гасот и нуклеарната енергија како зелена енергија, како дел од нејзините планови за изградба на иднина пријателска за климата, што предизвика незадоволство кај еколозите. Пратениците на ЕУ од Комитетот за животна средина и економија се спротивставија на планот минатиот месец и закажаа одлучувачко гласање денеска во Стразбур, Франција.
Сепак, пратениците на ЕП ја отфрлија нивната резолуција со 328 гласа „за“ и 278 гласа „против“, а 33 пратеници беа воздржани. За вето на предлогот беше потребно апсолутно мнозинство од 353.
Меѓународната еколошка организација Гринпис веднаш најави дека ќе поднесе формално барање за внатрешна ревизија до Европската комисија, а потоа ќе преземе правни мерки пред Европскиот суд на правдата доколку резултатот не биде конечен.
Аријадна Родриго, активистка на еколошката организација за одржливи финансии во ЕУ, рече дека одлуката е „валкана политика“.
„Тоа е застрашувачки исход да се означат гасот и нуклеарната енергија како зелени и да се задржат повеќе пари во воените ковчези на рускиот претседател Владимир Путин, но сега ќе се бориме со тоа на суд“, рече таа.
