Познат лек против висок крвен притисок се повлекува од пазарот, извести во четвртокот Агенцијата за лекови.
Компанијата Мибе Фармацеутикалс, носител на одобрението за ставање во промет на таблетите Рамиприл Мибе од 2,5 мг, во соработка со Агенцијата за лекови и медицински производи, од административни причини ја повлекуваат серијата 115850 од лекот.
Повлекувањето се врши до ниво на аптека. Серијата на лекот се повлекува бидејќи може да биде во оптек најмногу 18 месеци по истекот или откажувањето на одобрението за ставање во промет, доколку рокот на важност не му истече порано, пренесува danica.hr.
Повлекувањето на споменатата серија на лекот не влијае на квалитетот, безбедноста и ефективноста на лекот, затоа пациентите можат да продолжат да го користат лекот до истекот на рокот означен на пакувањето.
На хрватскиот пазар има и други лекови со иста активна супстанција, иста фармацевтска форма и иста јачина од други производители, така што повлекувањето не го загрозува редовното снабдување на пазарот.
Пациентите треба да се обратат кај својот лекар или фармацевт во случај на какви било прашања во врска со тековната терапија“, велат од Агенцијата.
