Од 35.000 до 40.000 Аргентинци се очекува да допатуваат во Доха за натпреварот против Хрватска во рамки на полуфиналето на Светското фудбалско првенство, покажуваат проценките на Амбасадата на Аргентина во Катар.
Станува збор за најголем навивачки контингент кој пристигнува од Аргентина во Катар.
Аргентинските фудбалери на Светското првенство имаат поддршка од илјадници Индијци и Бангладешани, кои се вработени во Катар.
„Тоа што го работам, го работам за 45 милиони луѓе. Тие минуваат низ лош економски период. Да им се пружи радост на луѓето е најдобрата работа што ми се случува во овој момент”, изјави аргентинскиот голман Емилијано Мартинез, кој беше најзаслужен за триумфот на Аргентина на пенали против Холандија во четвртфиналето на Мундијалот.
Полуфиналето меѓу Аргентина и Хрватска ќе се игра утре на стадионот „Лусаил”.
