Новак Ѓоковиќ никогаш не загубил сет во првите две кола на Австралија Опен. Но годинава имаше тешки два меча на стартот од Австралија опен, загуби по сет од Дино Прижмиќ и Алексеј Попирин во навистина големи битки.
По вториот дуел, новинарите го прашаа српскиот ас што е причината за осцилациите во негоата игра, дали е во прашање болеста или проблемите со зглобот.
„Има помалку од сѐ. Не сум баш во идеална состојба, што влијае на интензитетот на мојата игра, а донекаде и на мојата мотивација. Се обидувам да го најдам вистинското јас, и покрај сите тешкотии – здравствени, технички, играчки. Така е сега, и далеку од тоа дека не се жалам, тоа се околностите во кои се наоѓам, ги прифаќам и се трудам да го извлечам најдоброто од себе – рече Ѓоковиќ.
Во третиот сет, Попирин имаше четири сет-топки, од кои три во низа, за водство од 2:1 во сетови.
-Уште еднаш имав противник кој играше одличен тенис, немаше многу да загуби, точно знаеше што да прави тактички, имаше голема поддршка од публиката – и овие фактори влијаеа на мене. Апсолутно можев да играм подобро, не сум ни блиску до моето препознатливо ниво на игра во моментов – барем овде на Австралија опен – заклучи српскиот тенисер.
Во третото коло на Австралија Опен, Ѓоковиќ ќе игра против Томаш Ечевери.
