Хрватската водителка Николина Пишек сама го осмислила ентериерот на вилата во Загреб, за разлика од станот во Белград, кој беше уреден по желба на нејзиниот покоен сопруг Видое Ристовиќ.
По неговата смрт, Николина засекогаш го напушти Белград и одлучи да се врати во Загреб. Неодамна почна да ја уредува вилата којашто заедно ја купија со Видое и со заеднички сили планираа да ја средат, но за жал, сè беше прекинато со ненадејната смрт на Видое во мај 2022 година.
Вилата има неверојатни 1.600 метри квадратни, а покрај пространата внатрешност има и голем двор во кој се наоѓа базен.
Водителката последниве недели преку социјалните мрежи го споделуваше напредокот на вилата, а неодамна покажа и за каков мебел се одлучила. Покрај раскошната темносина софа, таа избрала и розова тоалетна школка.
– Како и секое реновирање, напредокот е доста комплициран. Имам рок уште еден месец да се вселам, а се плашам дека тоа нема да се испочитува – признала неодамна Николина за „Стори.хр“.
