Никола Јокиќ ја прослави првата шампионска титула во НБА со Денвер нагетс и првото МВП признание во друштво со своите соиграчи и со своето семејство, со сопругата Наталија и малата ќерка Огњена која цело време ја носеше на раменици.
Српскиот кошаркар и во поздравниот говор истакна колку му значи семејството и поддршката што ја има од своја сопруга со која се заедно долго време.
Наталија е негова средношколска љубов. Никола и Наталија се запознале и почнале да се забавуваат во средношколските денови кога Јокиќ се уште живеел во Војводина.
– Ми се допадна на прв поглед, но откако се запознавме, половина година бевме само пријатели – откри Јокиќ во едно интервју.
Интересно е дека сопругата на Јокиќ, Наталија, всушност, прва заминала во Америка, да студира. Јокиќ тешко го поднел нејзиното заминување, но, набрзо и тој и се придружил и веќе никогаш не се разделиле.
Двојката се венча во 2020 година, а една година подоцна ја добија ќерката Огњена. Јокиќ го опиша раѓањето на неговата ќерка како најважниот настан во неговиот живот.
Наталија често објавува семејни фотографии на Инстаграм и тие се многу омилени ликови на Интернет.
Некои од нивните следбеници од милост дури ги нарекуваат „кралското сермејство од Денвер“.
