На социјалните мрежи често може да се најдат креативни и неочекувани трикови за секојдневните проблеми, а еден од нив неодамна привлече големо внимание.
Тоа е едноставно решение за чешањето предизвикано од каснување од комарец, а вклучува нешто што повеќето од нас го имаат дома – кора од банана.
„Дали знаевте дека можете да користите кора од банана за ублажување на чешањето? Ова се должи на природните масла содржани во кората. Доволно е да се истрие внатрешноста на кората од банана на местото на каснување и чешањето постепено ќе се намалува“, напиша emilyxlevi во својата објава на Инстаграм.
Ова видео е прегледано 20 милиони пати, а многумина ја потврдија неговата ефикасност во коментарите.
Зошто функционира овој трик?
Кора од банана содржи супстанции како што се танини, алкалоиди и флавоноиди кои, според едно истражување, го прават овој метод ефикасен во борбата против чешањето предизвикано од каснување од комарец, пишува citymagazine.
