Австралискиот Еверест е висок речиси колку две Ајфелови кули, а алпинистите од целиот свет сонуваат да го освојат неговиот врв…
Највисоката камена кула во светот изгледа како точка во Тасманското Море, југозападниот дел на Тихиот Океан помеѓу источниот брег на Австралија и островите Тасманија на запад, Нов Зеланд, Норфолк и Нова Каледонија на исток.
Оние кои ја виделе тешко можеле да поверуваат во нејзината големина. Со своите 562 метри кои се издигнуваат од ведрото небо, пирамидата на Бал се чини дека ги допира облаците.
Речиси двојно поголема од Ајфеловата кула, оваа камена пирамида се наоѓа на околу 700 километри североисточно од Сиднеј. Пирамидата е всушност изгаснат вулкан со само врвот над морето, а последен пат бил активен пред седум милиони години.
Оттогаш, околу него си играат птици, риби и други морски суштества и го привлекува вниманието на морнарите, пилотите и планинарите кои сонуваат да се искачат на врвот.
Првиот човек за кој се знае дека ја видел огромната кула бил Хенри Бол, кој, се разбира, и го дал името по себе. Во 1788 година, Хенри поминал на бродот Supply, носејќи доселеници во Норфолк.
На околу 20 километри од пирамидата се наоѓа островот Лорд Хау, од кој чамците често одат до пирамидата на Бол за да се восхитуваат на нереалната големина на овој австралиски Еверест.
Само неколку алпинисти успеаја да се изборат со силните бранови и да се искачат на врвот на пирамидата. Но, тоа е само почеток на искушение. Причина за тоа се кревките карпи кои се уриваат во морето и претставуваат голема опасност за планинарите и затоа е забрането искачувањето на пирамидата. Казната за непослушните алпинисти е 5.000 долари или околу 3.000 евра.
