Ракетата Аријана денеска треба да лансира нов европски метеоролошки сателит, објави Би-Би-Си.
Планот е сателитот Метеосат-12 да го надгледува европскиот континент, Блискиот Исток и Африка, како дел од новиот систем за набљудување од повеќе милијарди евра.
Тоа е веројатно најважното европско лансирање во вселената оваа година, кое ќе ја замени технологијата стара повеќе од 20 години.
Генералниот директор на Eumetsat, меѓувладина организација која управува со европските метеоролошки сателити, Фил Еванс ја истакна важноста на точните податоци од вселената за попрецизни прогнози и предупредувања кои ќе ги ублажат последиците од временските катастрофи.
