Финалето во мешани тимови во скијачки скокови во Пекинг 2022 година некои го нарекоа „фарса“ откако три врвни спортистки беа дисквалификувани поради костумите кои ги носеле. Прописите за ширината на костумот која би можела неправено да им помогне да скокнат повисоко во воздухот не дозволиле, Јапонката Сара Таканаши, Австријката Даниела Ирашко-Штолц, Норвежанката Ана Один и Германката Катарина Алтхаус да учествуваат. Затоа, златото го освои Словенија.
Во трогателното финале, Таканаши се расплака по нејзиниот втор скок и брзо си замина од арената. Таа беше принудена да скокне и покрај тоа што знаеше за нејзината дисквалификација. Јапонската ѕвезда има 61 победа на патеката на Светскиот куп, но заврши на четвртото место во поединечна дисциплина во Пекинг и ја напушти својата трета Олимпијада сè уште без златен медал.
Селекторот на Германија, Стефан Хорнгахер, беше меѓу оние кои го истурија бесот. Подоцна германскиот тим потврди дека нивните скокачи ги носеле истите костуми во кои се натпреварувале претходно.
– Тоа е тотално лудо. Три девојки дисквалификувани. Три професионални девојки, тие секогаш ги освојуваат светските првенства. А ние немавме објаснување – рече тој за Еуроспорт.
– Таа (Алтхаус) скокна со истото одело во поединечна конкуренција, но сепак нема објаснување, како може да биде ова?
Оделата за ски скокови треба да исполнуваат строги правила за мерење со цел да се осигура дека тие не функционираат како крила во воздухот и дека не им даваат неправедна предност на спортистите.
Норвежанката Сиље Опсет за норвешкиот весник „VG“ изјави дека судиите не ја следеле нормалната процедура при мерењето на костумите.
– Не знам баш што да кажам. Тие ги измерија (костумите) на сосема поинаков начин и користеа нова процедура. Ни беше кажано да стоиме на поинаков начин отколку што сме правеле досега – рекла Опсет.
Ова беше првпат да се одржи мешан тимски настан на Олимпијадата, со што на скокачките им се даде уште една шанса за медал. Женските ски-скокови го направија своето олимписко деби само во 2014 година во Сочи, но за разлика од мажите, тие имаат само едно поединечно натпреварување и не се натпреваруваат на големи ридски дисциплини.
Норвешкиот тренер Клас Бреде Браатен додаде:
– Јас сум изгубен за да дадам изјава, навистина. Ова е многу болно за спортистите. Требаше да воведеме нов настан и да им дадеме на жените уште еден настан на Олимпијадата, а потоа ова се случи. А зошто само девојките беа дисквалификувани? Ова, за жал, е тажен ден за нашиот спорт – вели тој.
