Во изминатите 24 часа најмногу дожд – 16 литри на квадратен метар наврна на Попова Шапка, по што следат Лазарополе со 10, Тетово со 3, Маврови Анови со 2 и во Скопје, кај Зајчев Рид – еден литар на квадратен метар.
Како што информира Управата за хидрометеоролошки работи (УХМР), во текот на ноќта имаше мала до умерена локална облачност. Утрово е облачно, во северозападните и северните делови со повремени врнежи од дожд. Дува слаб до умерен ветер претежно од јужен правец.
