Воени лекари во Шри Ланка го отстранија најголемиот и најтешкиот камен во бубрегот во светот за време на операција на пензиониран војник, соопшти армијата на Шри Ланка.
На 62-годишниот поранешен подофицер му бил отстранет камен од бубрег од 801 грама, што е повеќе од пет пати поголема од тежината на просечен машки бубрег, според војската.
Каменот бил долг 13,37 cm, а просечниот бубрег е долг од 10 до 12 cm.
„Најголемиот и најтешкиот камен во бубрегот во светот беше хируршки отстранет на 1 јуни во воената болница во Коломбо“, се вели во соопштението на војската.
Оваа вест беше објавена откако рекордот беше признат од Гинисовата книга на рекорди.
Претходниот рекорд – 620 g – за камен во бубрег беше забележан во 2008 година во Пакистан, според Гинис.
„Најважно за нас е бубрегот да работи нормално и покрај толку многу камења“, рече армискиот хирург К. Сутаршан.
Воениот пензионер за локалната телевизија изјавил дека боледува од стомачни болки од 2020 година, а лековите што ги земал воопшто не му помогнале.
Камењата во бубрезите се формираат со таложење на минерални соли во бубрегот, орган кој ја прочистува крвта.
