More

    Музичкото враќање на Бритни Спирс по шест години – дует со Елтон Џон

    spot_img

    Пејачката Бритни Спирс по шест години се врати на музичката сцена – излезе нејзиниот дует со Елтон Џон.

    Бритни, 40-годишната пејачка со хитови како „Toxic“ и „Womanizer“, оваа недела на социјалните мрежи го објави објавувањето на дуетот „Hold Me Closer“ со Елтон Џон. Станува збор за преработка на неговата песна „Tiny Dancer“ од 1971 година.

    „Оки доки…мојата прва песна по шест години. Прилично е „кул“ да се пее со еден од најстилските мажи на нашето време“, напиша Спирс на Твитер. „Ова е голема работа за мене!!!“, додаде таа.

    Бритни Спирс стана позната како тинејџерка со нејзиниот прв албум „…Baby One More Time“ од 1998 година.

    Во ноември минатата година, нејзиниот татко Џејми Спирс го загуби старателството, откако 13 години ги контролираше нејзиниот приватен живот и финансии.

    Спирс тврди дека неговата единствена цел била да и помогне на ќерка си да ја обнови кариерата откако доживеала нервен слом во 2007 година и дека тој секогаш постапувал во нејзин најдобар интерес.

    Спирс во декември стави до знаење дека сè уште не е подготвена да се врати на правењето музика. Нејзиниот последен студиски албум беше „Glory“ од 2016 година.

    Трејлерот за „Hold Me Closer“, кој исто така има елементи од „The One“ и „Don’t Go Breaking My Heart“ на Елтон, забележува дека двете пејачки првпат се запознале во 2014 година. Една година подоцна, Спирс на Твитер објави како и се допаѓа песната „Tiny Dancer“ и ја започна идејата за соработка.

    „Откако го слушна првиот пресек на синглот претходно ова лето, Елтон Џон знаеше дека инстантно препознатливата вокалистка Бритни Спирс е совршена за да ја оживее песната“, се вели во текстот.

    Оваа недела Џон ја изведе таа песна во ресторан на југот на Франција на воодушевување на толпата.

    „Апсолутно сум среќен што имав можност да работам со Бритни Спирс“, рече тој.

    „Таа е навистина икона, една од најголемите поп ѕвезди на сите времиња и звучи неверојатно во оваа песна. Многу ја сакам и воодушевен сум од она што го создадовме заедно“, додаде Елтон Џон.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img