Украинската нуклеарна централа Запорожје, која е под руска контрола, денеска соопшти дека е соборено украинско беспилотно летало над кровот на реакторот број 6.
„Денеска над нуклеарната централа беше соборен камиказе дрон. Падна на кровот на единицата 6“ – објави нуклеарната централа, под фотографијата на реакторот број 6.
Реакторот број 6 во моментов е исклучен, според централата.
Русија објави дека Украина три пати ја нападнала нуклеарната централа Запорожје во неделата и бара од Западот да реагира, но Киев тврди дека нема никаква врска со тоа.
Руските сили ја презедоа контролата врз нуклеарната централа во 2022 година, веднаш по почетокот на инвазијата на Украина.
Москва и Киев постојано се обвинуваат меѓусебно дека ризикуваат нуклеарна катастрофа со напад на нуклеарната централа.
