Се верува дека Русија го попречи сателитскиот сигнал на авионот што го користел министерот за одбрана Грант Шапс за да патува од Полска назад во Британија, пренесе Скај њуз.
Пријавено е дека ГПС сигналот бил попречен околу 30 минути додека авионот летал блиску до руската балтичка ексклава Калининград.
Мобилните телефони повеќе не можеле да се поврзат на интернет и авионот бил принуден да користи алтернативни методи за да ја одреди локацијата.
Шапс денеска спроведува еднодневна посета на источна Европа за да се сретне со британските војницит што учествуваат во вежбата „Стедфаст Дифендер“.
Според Скај њуз, авионот го превезуваше Шапс назад од Полска – тој беше во посета на голема вежба на НАТО таму.
„Одбранбените извори велат дека немало опасност за авионот и пилотите користеле алтернативни методи за навигација“, пишува Скај њуз.
Портпаролот на Даунинг стрит потврди дека авионот „доживеал заглавување на ГПС кога летал блиску до Калининград“. Тoj додал:
– Тоа не ја загрозуваше безбедноста на авионот и не е невообичаено авионите да доживеат заглавување на ГПС сигналот во близина на Калининград, што секако е руска територија.
