Компанијата „Спејс икс“ на милијардерот Илон Маск ја тужеше украинската сателитска интернет компанија „Старлинк“ и Украинската канцеларија за патенти и бара компанијата да престане да ја користи трговска марка, пишува украинскиот весник „Економска правда“.
Според весникот, украинскиот бренд „Старлинк“ е регистриран во 2011 година и се занимава со ИТ услуги.
Сателитскиот комуникациски систем, кој и припаѓа на компанијата „SpaceX“, се нарекува уште и „Starlink“.
Илон Маск кон средината на октомври изјави дека „SpaceX“ не може на неодредено време да ја финансира работата на „Старлинк“ во Украина. Подоцна најави дека ќе продолжи сам да ја плаќа работата на сателитот, без оглед на финансиските загуби на компанијата.
Моментално, според весникот, компанијата SpaceX обезбедува голем број сателити на сопствен трошок, а останатото, според украинските власти, го плаќа Киев сам.
Одржувањето на еден сателит чини 2,5-4,5 илјади долари месечно.
