Помошник директорот на Републичкиот хидрометеоролошки завод Горан Михајловиќ вели дека пролетта ќе биде потопла од просечната.
За многумина најубавата сезона во годината, пролетта, пристигна утрово, во 4 часот и 6 минути, на северната хемисфера на планетата Земја. Но, пред само неколку недели поради екстремно топлиот февруари, цветаа плодовите, мирисаше бехарот, а по дворовите и бавчите се појавија љубичици. Навестување дека нè очекува натпросечно топла пролет. Од РЗМЗ велат дека се очекуваат 12 до 20 летни денови – со температура повисока од 25 степени.
Зимата зад нас беше една од најтоплите во последните 70 години, а Светската метеоролошка организација најавува дека таков ќе биде и март. Помошник директорот на Републичкиот хидрометеоролошки завод Горан Михајловиќ за РТС изјави дека пролетта ќе биде потопла од просекот.
„Просечната температура би била и до два степени над долгорочниот просек, со тоа што треба да се земе предвид и променливото време, во смисла дека март, април, мај, како трите пролетни месеци, би имале вкупно меѓу 5 и 15 студени денови во пониските предели“, изјави метеорологот.
Од друга страна, се очекуваат меѓу 12 и 20 летни денови – со максимална температура над 25 степени.
Што се однесува до април, се очекува да врне дожд, но во границите на просекот.
„Максималната температура ќе биде меѓу 14 и 17 степени, средниот максимум, што секако е нешто, да речеме, потопло од просекот, но врнежите ќе бидат во границите на просекот и во таа смисла нема да има изненадувања. изјави метеорологот.
Напоменува дека кратки врнежи се очекуваат во вториот дел од пролетта.
