Српската пејачка Марија Шерифовиќ приреди интимна прослава со најтесниот круг на луѓе, а сега на својот инстаграм-профил сподели фотографија со синот и ги разнежи сите.
– Малечко мое, ајде јас и ти полека во нашата втора година. Зад мене е годината на најголемите промени. Првенствено емотивни. Да ми кажеше некој дека може толку многу да се сака – ќе му кажев дека не е нормален! Семејство, кумови, пријатели, колеги – благодарам за честитките! Ве сакаме – напиша Марија во описот на објавата каде позира со наследникот в раце.
Марија и нејзиниот син беа облечени исто, а за оваа прилика избраа костуми во зелена боја, како што можеме да видиме на фотографијата која пејачката ја објави.
На многумина им се допадна и детската торта која имаше мотиви од цртан филм.
Марија Шерифовиќ доби син со помош на сурогат-мајка. Момчето Марио е родено во клиника во Лос Анџелес на 2 декември 2023 година.
Во една прилика Марија проговори за таткото на своето дете, како и за сурогат-мајчинството.
– Јас сум во Америка од 2014 година, тогаш тоа не беше актуелно. Немаме доволно време да разговараме за ова детално, дозволете ми да ви кажам сè, можеби некому ќе му помогне, многу веројатно ќе му помогне. Сè што правев, правев по совет на најдобрите лекари во САД во тоа време. Во моето единствено интервју реков, по некои неуспешни обиди, единственото решение беше тоа – рече своевремено Марија и додаде:
– Страшно ми пречи што на Балканот, со должна почит кон сите нормални, цивилизирани луѓе, луѓето седат под карпа. Седам во Америка, се сончам и читам како луѓето седат по весници, емисии, утрински програми и кажуваат како таа жена е врзана за радијатор, како е малтретирана личност, како е тоа… Драги, ова е постапка која бара илјадници документи, потпишани документи. Мојата сурогат-мајка имаше масажи секој ден, хигиеничарка во домот… Таму не се работи за ропство – рекла Марија.
