Францускиот претседател Емануел Макрон изјави дека Франција и нејзините сојузници можеле да го спречат геноцидот во Руанда во 1994 година, во кој беа убиени над 800.000 луѓе, но како што истакна, недостасува политичка волја за тоа.
Во соопштението од кабинетот на лидерот на Франција, беше најавено дека Макрон ќе објави видео на социјалните мрежи во недела додека Руанда ја одбележува 30-годишнината од почетокот на геноцидот.
Во тоа видео, Макрон изјави дека „Франција, која можеше да го запре геноцидот со своите западни и африкански сојузници, немаше политичка волја да го стори тоа“.
Тој претходно дал слични изјави, па за време на неговата посета на таа централноафриканска земја во 2021 година, тој ја призна „одговорноста“ на Франција за геноцидот што траеше од април до јули 1994 година, во кој етничките Хути убиле над 800.000 Тути и некои умерени Хути.
Владата на Руанда предводена од претседателот Пол Кагаме долго време ја обвинува Франција дека го „овозможува“ геноцидот.
Во последниве години, Франција, исто така, ги зголеми напорите да ги уапси осомничените за геноцид и да ги изведе пред лицето на правдата.
