Познатиот композитор Александар Радуловиќ Фута го основаше „Џеј трибјут бенд“ во чест на починатиот Џеј Рамадановски, кој веќе е подготвен да започне со настапи, а кој ќе ги изведува исклучиво хитовите на легендарниот пејач, кои ги потпишуваат тој и неговата сега веќе почината сопруга, легендарниот текстописец Марина Туцаковиќ, ексклузивно дознава српски „Телеграф“.
Членови на бендот се помладата ќерка на Џеј, Марија Рамадановски, најдобриот пријател на Џеј од естрадата 25 години, Зоран Јагодиќ Руле, како и македонскиот пејач Мите Стоилков, кој откри како се чувствува по тој повод.
На прашањето како реагирал кога бил повикан од Фута, Мите вели:
– Пред сè, морам да кажам дека ми е чисто задоволство што сум денес тука, благодарение на господинот Александар Радуловиќ Фута и на целата екипа. Така што навистина сум изненаден што сум дел од оваа екипа. Џеј, сепак, имаше свој стил, така што ова е голема одговорност.
– Имам трема и голема одговорност. Но, за мене е голема чест да ги пеам неговите песни на настапите. Едноставно, тој секогаш живее со нас – додава Мите, на прашањето каква е одговорноста и дали има трема од сцената.
