Кон крајот на минатата година беше објавена листата „најбогати девојчиња на светот“ и на самиот врв од истата се најде ќерката на Викторија и Дејвид Бекам, Харпер Севен.
Во јули годинава, се зборуваше многу кога женската наследничка на Бекамови наполни 12 години. Скапоцени подароци, чипкан фустан, како и „Прада“ забава се само дел од работите кои биле дел од гламурозната прослава. Видно е дека славните мајка и татко не штедат ниту цент кога станува збор за нивната миленичка.
Сега осамна и веста дека Бекамови не запреле само на тоа. Тие на нивната ќерка ѝ подариле и несекојдневен и скапоцен подарок по повод нејзиниот 12-ти роденден. Станува збор за куќичка на дрво чија цена изнесува 115.000 евра.
Куќичката е изградена на стебло и тоа по добивање дозвола за градење на семејниот имот во Англија, вреден 13 милиони евра. Куќата на дрво е со димензии 4,5 метри х 4,5 метри должина и ширина, а висока е 1,275 метри и покрива површина од 15,6 метри квадратни.
Осудите на луѓето на социјалните мрежи се видни и многумина сметаат дека славните родители не знаат за граница, некои се дури и згрозени. Дали подарокот е претеран или не, секако Бекамови дека сакаат да ѝ удоволат на својата ќерка во секој момент.
