Министерот за здравство Златибор Лончар денеска изјави дека во 2022 година 47 отсто од вкупниот број на смртни случаи умреле од кардиоваскуларни заболувања, додека втора најчеста причина за смрт е малигниот тумор.
Говорејќи на Радио телевизија на Србија (РТС), тој рече дека загрижува тоа што речиси две третини од починатите во 2022 година починале од болести кои може да се спречат.
„Во фаза кога луѓето немаат поплаки, треба да ги испитаме и да направиме анализи. Кога ќе откриеме проблем на време, можеме да го решиме. Затоа акциите на бесплатните превентивни прегледи се одлични“, рече министерот.
Тој најави дека од 1 септември до крајот на годината граѓаните над 40 години ќе можат да направат бесплатен превентивен преглед за време на викендот, а во текот на летните месеци ќе се организираат прегледи и кај ендокринологот. бидејќи луѓето го побараа тоа“.
Лончар оцени дека во наредните месеци треба да се работи повеќе на подобрување на здравствената состојба на децата.
„Децата јадат нездрава храна, имаат лоши навики, премногу користат телефони и таблети. Решивме да ги вратиме систематските прегледи на децата“, рече министерот.
Запрашан што се случува со породилиштата, тој рече дека во некои градови почнале да се работи на реновирање на тие објекти и додаде дека ќе се реновираат сите породилишта во земјава.
