Мировната конференција за Украина, која собра повеќе од 90 земји во Швајцарија, постигна „нула“ резултати, оцени Кремљ.
„Ако зборуваме за резултатите од оваа средба, тие се блиску до нула“, изјави за новинарите портпаролот на рускиот претседател Дмитриј Песков.
Според него, многу учесници на конференцијата разбираат „дека секоја сериозна дискусија нема иднина без присуство на Русија“.
Мировниот самит за Украина се одржа со украинскиот претседател Володимир Зеленски и претставници на околу 90 земји, но без учество на Русија и Кина.
Претставници на повеќе од осумдесет земји кои присуствуваа на мировниот самит за Украина во Швајцарија потпишаа декларација во која се наведува дека „територијалниот интегритет“ на Украина е основа за секој мировен договор за ставање крај на војната. Меѓу потписниците е и Србија.
