Кремљ го негираше извештајот на Ројтерс дека рускиот претседател Владимир Путин на САД им предложил прекин на огнот во Украина со посредство.
Запрашан дали е вистина извештајот на Ројтерс дека Русија предложила такво нешто, портпаролот на Кремљ Дмитриј Песков рече: „Не. Ова не е вистина.”
Ројтерс наведува дека од одредени извори дознава дека рускиот претседател Владимир Путин испратил сигнали до Вашингтон во 2023 година јавно и приватно преку посредници, вклучително и арапските партнери на Москва на Блискиот Исток, дека е подготвен да размисли за прекин на огнот во Украина.
Според три руски извори, посредниците се сретнале во Турција кон крајот на 2023 година, а советникот за национална безбедност на Белата куќа Џејк Саливан телефонски разговарал со советникот за надворешна политика на Путин, Јуриј Ушаков, во јануари.
