Келнерите во кафулето во Приштина се откажаа од проверката дали монетите од две евра се вистински или лажни, бидејќи има ужасно многу фалсификати, а поради квалитетот на некои речиси е невозможно да се открие дали се лажни. или не.
„На почетокот сите внимаваа и ги проверуваа монетите од две евра“, вели келнерот Ендрит. Тој и неговите колеги ставале парички под светло или ги фрлале на маса и проверувале како звучат. „Сега веќе не го правиме тоа… Можеби добиваме вистински, а можеби и лажни пари. Се е исто“, вели тој, пренесува Хина.
Количината на монети од две евра во оптек годинава драстично е зголемена, јавуваат агенциите.
Косово и соседна Црна Гора не се дел од еврозоната, но сепак го користат еврото.Во лабораторијата во Приштина експерти проверувале повеќе од 30.000 лажни евро монети во првата половина од годината, наспроти 4.451 во истиот период лани…
„Квалитетот оди од многу лош до многу добар“, вели Вјолца Мавриќи, лабораторија.
„Претходно монетите не беа магнетни како сега, пред да имаа проблеми со грамажата, но сега се еднакви на вистинските“, додаде таа.
Од полицијата велат дека лани кај обвинителите пријавиле 804 случаи на фалсификат, а годинава досега 486 случаи.
Во април тие уапсија маж и жена кои од Северна Македонија донеле 10.600 фалсификувани монети од две евра во Косово.
Бројни Албанци на социјалните мрежи објавуваат видеа на кои нудат лажни монети за 10 до 20 отсто од вредноста на вистинското евро.
