Колку повеќе ДУИ сака да се прикаже како „проевропска“ партија, толку повеќе се покажува дека е за криминал и корупција. За да ги заштитат криминалот и корупцијата, тие се способни да ги уништат институциите кои ја штитат меѓународната воздушна безбедност, како што е случајот со нападот на Контролната кула на цивилното воздухопловство, реагира Беса.
„Наместо ДУИ итно да го разреши Беким Незири од партијата и од која било функција, таа само се оградува од неговата постапка, обидувајќи се да го заштити. Наместо ДУИ да дејствува за разрешување на сите директори во М-НАВ, таа молчи и се обидува да ги спаси, иако пред три дена во опасност беа доведени 30-тина авиони и стотици патници. ДУИ не се грижи за граѓаните, ниту за безбедноста во институциите кои се меѓународно поврзани како што е М-НАВ, туку се грижи само за позициите каде што нејзините партиски војници земаат високи плати и тендери. ДУИ денеска го штити Беким Незири, кој зема 3 илјади евра плата од М-НАВ, иако медиумите пишуваа дека седум години не оди на работа. ДУИ го штити другиот директор на М-НАВ Хасим Деари бидејќи и тој зема плата над 3.000 евра. ДУИ го штити и Фахрудин Хамид, бидејќи зема 4 илјади евра плата од М-НАВ. Откако насилството на партиските војници на ДУИ на чело со Беким Незири во М-НАВ го уништи имиџот на државата пред меѓународната заедница и можеше да ја стави нашата земја во целосна меѓународна изолација, уште еднаш ја повикуваме ДУИ итно да ја исклучи Беким Незири од која било партиска функција и да побараат негово смена од функцијата советник на директорот во М-НАВ. Исто така итно побарајте разрешување на уште двајца директори Фахрудин Хамиди и Хасим Деари“, велат од Беса.
