Кинеската полиција во саботата уапси неколку вработени во задолжениот кинески гигант за недвижности Евергранде во градот Шенжен. Полицијата не го соопштува бројот на уапсените вработени и пријавите против нив.
Уапсените лица биле вработени во подружницата на Evergrande, Evergrande Wealth Management. Полицијата преку соопштение ги повика граѓаните сите случаи на сомневање за измама да ги пријават до надлежните органи.
На денешното отворање на берзата во Хонг Конг, акциите на Евергранд паднаа за околу 25 отсто, јави француската новинска агенција АФП.
Во доцните 1990-ти, Кина спроведе неколку реформи што предизвикаа бум во секторот на недвижности. Тој бил поттикнат и од преовладувачките општествени норми според кои сопственоста на имотот е предуслов за брак. Но, огромниот долг акумулиран од главните актери во активноста го запали црвен аларм во Пекинг. Со цел да се намали задолженоста на компаниите кои се занимаваат со недвижности, властите од 2020 година постепено ги заострија условите за добивање кредити, со што ги ставаат во неволја гигантите од недвижностите.
Доста станаа несолвентни, меѓу нив и Евергранд. Бидејќи економскиот раст на земјата забавува, владата неодамна го олесни товарот на секторот со намалување на каматните стапки на хипотекарните заеми, намалување на бирократските пречки и олеснување на бизнисите да пристапат до кредити. Но, ова нема да биде доволно, предупредува експертот.
