Кина денеска го лансираше својот трет и последен модул потребен за комплетирање на постојаната вселенска станица.
Модулот Mengtian беше лансиран во вселената од центарот за лансирање на сателити Венчанг во јужната островска провинција Хаинан со ракетата Long March-5BY4, која е меѓу најмоќните кинески ракети-носачи.
Лансирањето на Менгтиан е без екипаж.
Голем број луѓе, фотографи аматери, вселенски ентузијасти и други го следеа лансирањето од блиската плажа.
Менгтиан ќе му се придружи на Вентиан, вториот лабораториски модул на вселенската станица и ќе се поврзе со централниот модул Тианхе, каде што живее и работи екипажот.
Во кинеската вселенска станица Тиангонг моментално е сместен тричлен екипаж од астронаути, двајца мажи и една жена.
